لطف قیلدین کی

جسمیمی اشک ایله گنج دور مکنون ائتدین،
مردم چشمیمی احسان ایله قارون ائتدین.
مئی گلگونی، دئدین، عقله زیاندیر، زاهد،
بومودور عقل کی، ترک مئی گلگون ائتدین؟
جانیم آلدین مئی اوچون، ساقی، ایچیردین منه قان،
داد الیندن کی، منی آل ایله مفتون ائتدین.
خطی نین آفت جان اولدیغونو بیلدیردین،
لطف قیلدین کی، منی واقف مضمون ائتدین.
دل توتار، مار سر زلفونو، وهم ائیله‌مه‌ییب،
بیلمزم کیم، اونا تعلیم نه افسون ائتدین.
بیلمز اولدی منی طعنه ائدن اهل ریا،
شکر کیم، حالیمی، ای عشق، دگرگون ائتدین.
ای فضولی، نه مراد اولدی میسر بیلمن،
مونجه کیم، حسرت لعلیله جگر خون ائتدین؟