کؤنول وئردیم فنا و فقره، ترک اعتبار ائتدیم

۱۹۹ مخالف دوردن، گلگون شرابی قانه دگشیردیم،
سرودین چنگ و اودون ناله و افغانه دگشیردیم.
داخی ذوق وصال دوست شوقین ایستمین مندن
کی، من ذوق وصالی محنت هجرانه دگشیردیم.
منی، ای باغبان، معذور توت گلزار سیریندن
کی، من گلزار سیرین کلبۀ احزانه دگشیردیم.
کؤنول وئردیم فنا و فقره، ترک اعتبار ائتدیم،
بحمدالله کی، آخر کفرمی ایمانه دگشیردیم.
کؤنول دن ذوق بولمازدیم، چیخاردیم چاک کؤکسومدن،
قاشی یایلار خدنگیله گلن پیکانه دگشیردیم.
نقاب صورت حال ائیله‌دیم خون جگر سیلین،
عیان رسوالیغی درد و غم پنهانه دگشیردیم.
فضولی، منده ذوق عافیت آز ایسته کیم، چوخ دان،
من اونی آروزگ طلعت جانانه دگشیردیم.