فساد اعتقادین کافرین خاطرنشان ائتدیم

قاچان کیم، قامتیندن آیری سیر بوستان ائتدیم،
قوپاریب اشک سیلابیله مین سروی روان ائتدیم.
گؤتوردوم، گرد باد آه ایله خورشیده تاپشیردیم،
غبار رهگذارین جوهرین گؤزدن نهان ائتدیم.
نشان صورت خوبین وئریب، بت لر سجودینده
فساد اعتقادین کافرین خاطرنشان ائتدیم.
اولوب سرمست، قیلدیم نشاء ذوق لبین ذکرین،
مئیه راغب اولانلار کفرنی خلقه عیان ائتدیم.
گؤروب دیوارلرده کوهکن نقشین، دئمین عاشق،
منم عاشق کی، توتدوم دشت، ترک خان و مان ائتدیم.
ره عشقینده اول گلرخ جگر قان ائتدیگیم بیلمیش،
چکر هر دم منه تیغ سیاست، سانکی قان ائتدیم.
فضولی، شاهباز اوج استغنا ایکن، بیلمن،
نه سهو ائتدیم کی، بو ویرانه دئیر آشیان ائتدیم؟