فضولی، ائیله‌دی آهنگ عیش خانۀ روم

توتوشدو غم اودونا شاد گؤردوگون کؤنلوم،
مقیدی اولدی اول آزاد گؤردوگون کؤنلوم.
دیار هجرده سیل ستمدن اولدی خراب،
فضای عشقده آباد گؤردوگون کؤنلوم.
نه گؤردو باده ده بیلمم کی، اولدی باده پرست،
مرید مشرب زهاد گؤردوگون کؤنلوم.
فراقین اودونو گؤردوکجه موم تک اریدی،
ثبات صبرده فولاد گؤردوگون کؤنلوم.
گتیردی عجز، گؤروب عشق مشکل اولدیغونو،
قامو هنرلره استاد گؤردوگون کؤنلوم.
دئگیلدی بؤیله، دمینده بیر اهل عشرت ایدی،
بو قانلار ایچمگه معتاد گؤردوگون کؤنلوم.
فضولی، ائیله‌دی آهنگ عیش خانۀ روم،
اسیر محنت بغداد گؤردوگون کؤنلوم.