منو
تا من دیرییم سوز دل و اشک روانیم
هجران ایله یانار گئجه‌لر رشتۀ جانیم،
روشن اولا، ای شمع، سنه سوز نهانیم.
بیر شمع شبستان بلایم کی، دئگیل کم،
تا من دیرییم سوز دل و اشک روانیم.
ای خلوتیمه شمع رخوندن بوراخان نور!
دیدارینه مشتاق ایدی چشم نگرانیم.
سنسیز گئجه‌لر آه و فغانیم مه ائشیتدی،
ای مه، سنه هم یئتدی اولا آه و فغانیم.
جانه نه روا دیر کی، چکیب تیغ، دمادم
غمزن سؤکه جسمیم، دله باغریم، تؤکه قانیم.
همرنگ لبین دیر دئیه، قطع نظر ائتمز
خون جگریمدن مژۀ اشک فشانیم.
پنهانی اودوم عالمه فاش اولدی، فضولی،
یا رب کی، منیم شمع کیمی یانه زبانیم.