گؤزومو شوق جمالیندا در افشان ائتدیم

باغه گیردیم، سر کویین گؤروب افغان ائتدیم،
گل گؤروب، یادین ایله چاک گریبان ائتدیم.
باخوبان نرگسه، بیمار گؤزون قیلدیم یاد،
نرگسی ناله و افغانیما حیران ائتدیم.
غنچه یه لاله دئمه، داغ قاراسین قوپاریب،
آل و الایه ساریب سبزه ده پنهان ائتدیم.
گل تر اوزره دوشن شبنمه دوشدی نظریم،
گؤزومو شوق جمالیندا در افشان ائتدیم.
برگ گل سانما کی، خونابه تؤکن دمده گؤزوم،
نئچه توپراغه جگر قانی سیلیب، قان ائتدیم.
گؤروجک سنبلی، آندیم شکن کاکیلینی،
سنبلی گریه و آهیمله پریشان ائتدیم.
ای فضولی، روش عقل ملول ائتدی منی،
سهو قیلدیم کی، جنون دردینه درمان ائتدیم.