کامل عشقم، داخی اؤزگه کمالی نئیلرم؟

شمع شام فرقتم، صبح وصالی نئیلرم؟
بولموشام یانماقدا بیر حال، اؤزگه حالی نئیلرم؟
غیره عرض ائت هر نه اسبابین کی، وار، ای دهر دون!
من گدای کوی عشقم ملک و مالی نئیلرم.
یوخ عجب، گر ماله رغبت، ملکه قیلمان التفات،
من که اهل ذوقم اسباب ملالی نئیلرم؟
احتمال هجر تشویشینه دگمز ذوق وصل،
وصل کیم، وار اوندا هجران احتمالی نئیلرم؟
اهل حالم، دئمه بت وصفین منه، ای بت پرست،
حال بیلمز دلبر صاحب جمالی نئیلرم؟
نخل قددین ایسترم، کاندان* بلا دیر حاصلیم،
باخمازام شمشاده، بر وئرمز نهالی نئیلرم؟
ای فضولی، قیل کمال فضل کسبین، یوخسا من
کامل عشقم، داخی اؤزگه کمالی نئیلرم؟
*کی اوندان