کیمه یئتسم، ظلم و جوروندن اونا داد ائیلرم

نی کیمی، هر دم کی، بزم وصلینی یاد ائیلرم،
تا نفس واردیر قورو جسمیمده، فریاد ائیلرم.
روز هجران دیر، سئوین، ای مرغ روحیم کیم، بو گون
بو قفس دن من سنی، البته، آزاد ائیلرم.
قان یاشیم قیلماز وفا، گریان گؤزوم اسرافینا،
مونجه کیم، هر دم جگر قانیندان امداد ائیلرم.
وهم ائدیب تا سالمایا سن ماهه مهرین هیچ کیم،
کیمه یئتسم، ظلم و جوروندن اونا داد ائیلرم.
اینجیمن هر نئجه کیم، بیداد اغیار ائیله سه،
یار جوریچون، کؤنول، بیداده معتاد ائیلرم.
بیلمیشم بولمان وصالین، لیک بیر امید ایله
گاه گاه اؤز خاطر ناشادیمی شاد ائیلرم.
لوح عالمدن یودوم اشک ایله مجنون آدینی،
ای فضولی، من داخی عالمده بیر آد ائیلرم.