گدای کویین ایدیم، بؤیله ذلتیم یوخ ایدی

خوش اول زامان کی، حریم وصاله محرم ایدیم،
نه مبتلای بلا، نی مقید غم ایدیم.
گزردیم ایتلرین ایچره فزای کویینده،
یئریم بهشت برین ایدی، من بیر آدم ایدیم.
همیشه سجده گهیم خاگ آستانین ایدی،
بو اعتبارایله بیر سربلند عالم ایدیم.
گدای کویین ایدیم، بؤیله ذلتیم یوخ ایدی،
سریر سلطنت قربده معظم ایدیم.
زیاده غمزه ده یم هجرایله، خوش اول گون لر
کی، من بو غمزه ده لیک دن زیاده خرم ایدیم.
زامان زامان اثر پرتو جمالیندن
معالج دل پردرد و چشم پرنم ایدیم.
فضولی، اولماز ایمیش محنت فراقه مفید،
بو ذوق ذکر کی، بیر وقت یاره همدم ایدیم.