دامگاه عشقدن توت بیر کنار، ای مرغ دل

قیلدی زلفون تک پریشان حالیمی خالین سنین،
بیر گون، ای بیدرد، سورمازسان: ندیر حالین سنین؟
گئتدی باشیندان، کؤنول، اول سروقددین سایه سی،
آغلا کیم، ادباره تبدیل اولدی اقبالین سنین.
زینت ایچون جسم دیواریندا ائتمزدیم یئرین،
چکمه سه یه‌دی عشق لوحی جانه تمثالین سنین.
تیز چکمزسن جفا تیغین منی اؤلدورمه یه،
اؤلدورر آخر منی بیر گون بو اهمالین سنین!
غرق خوناب جگر قیلمیش گؤزوم مردم لرین،
آرزوی خال مشکین و رخ آلین سنین.
دامگاه عشقدن توت بیر کنار، ای مرغ دل،
سینمادی سنگ ملامتدن پر و بالین سنین.
سایه وش چوخ دان فضولی خاک کویین یاس لانیر،
اول امیدی ایله کی، بیر گون اولا پایمالین سنین