عشقه بیزدن دیر بقا

بولدو کوییندن دوا درد دل بیماریمیز،
سن آقاسان، بیز قولوز، کویینده دیر تیماریمیز.
زاهدا، گؤر سینه چاکی شعله سین، بیزدن ساقین،
بیر اوجاغیز بیز کی، سوزان دیر در و دیواریمیز.
اهل ترکین قولویوز، اولدیر بیزه جاندان عزیز،
یوسف ایسه خود فروش، اونونلا یوخ بازاریمیز.
نولا گر اولدییسا فانی کوهکن، من باقییم،
عشقه بیزدن دیر بقا، یوخدور یوخ اولماق واریمیز.
اشکیمیز گردابی عالی، عمروموز بنیادی پست،
گؤر نه آلچاق دیرلیکیله جیزگینیر پرگاریمیز.
ای فضولی، جور یار و طعنۀ اغیاردن
وار یوز مین غم، بو هم بیر غم کی، یوخ غمخواریمیز.
گلشن غم نخلیوز، پرورده آب دیده دن،
داغی لر برگ، آه آتشباریمیزدیر باریمیز.