اول سرو ائدنده ناز ایله بیزدن یانا خرام

نورینی ماه مهر رخوندن آلیر مدام،
انکار ائدرسه، شهر گواهیمدورور تمام.
محراب ایمیش قاشین کی، اونا قارشو کیرپیگین
صف صف گلیر قیامه قیلیب غمزنی امام.
اول حور وعده سینه بهشت وصال ایچون،
قرآنجا اعتبار ائدوبم، حاصل کلام.
عکس رخون اوغورلدیوغچون دؤنه دؤنه،
آسیلدی گوزگو شهرده، ائلدن سورولدو جام.
دورغوزما، یوللارین یوگوروب توتما، ای سرشک،

دشت اوزره گردبادمی، یا گلدیگیم گؤروب،
مجنون غباریدیر کی، دوروب ائیلر احترام.
هم صحبت اولدی دانۀ انگور زاهده،
اصلی بودور کی، اوخودولار باده نی حرام.
میخانه دیر جهاندا، فضولی، مقام امن،
جهد ائت بیر ائو حباب کیمی، اوندا توت مدام.