یوخسا چوخدور مهر ائدن

یار وصلین ایسته ین کسمک گرک جاندان طمع،
هر کیشی کیم وصل یار ایستر، کسین اوندان طمع.
آروزی وصل جانان، جانه آفت دیر، کؤنول،
یا تعلق جاندان اوز، یا وصل جاناندان طمع.
چون منه بیر ذره یوخ تاب تماشای جمال،
من کیمم، وصل ائتمک اول خورشید رخشاندان طمع.
عاشق اولدیر کیم، تمنای بلای عشق ائده،
یوخسا چوخدور مهر ائدن اول ماه تاباندان طمع.
رشتۀ طول امل دام بلا دیر، نئیلییم،
اوزمک اولماز اول سر زلف پریشاندان طمع.
عارضین گؤرمک حیاتیم تازه ائیلر، وه نه عیب،
گر گدا وجه معاشین قیلسا سلطاندان طمع.
متصل حرمان قیلیر حاصل طمع دن اهل حرص،
طرفه کیم، آرتار اونا گلدیکجه حرماندان طمع.
ایستر اولسان حسرت و حرمانه هر دم دوشممک،
کس، فضولی، دهردن امید و دوراندان طمع.