ای ناوک شوقین

ای ناوک شوقین سپر سینۀ احباب،
زلفون خمی ارباب وفا قیدینه قلاب!
محرابده شکل خم ابروی لطیفین،
واجب بو جهتدن قامویا سجدۀ محراب.
سوزیم دئر دم شمع سانا ایله یه روشن،
نظارۀ رخسارینا یوخ شمعده هم تاب.
خورشید جمالیندان اول آی سالدی نقابین،
صبح اولدی، دور ای بخت، ندیر مونجا شکرخواب؟
ساقی مگر اول لعل سؤزون دئر میلعله
کیم، دوشدی ایاغینه، الین اؤپدو مئی ناب؟!
دون صبح یئتیردیم فلکه موج سرشکیم،
غرق ائتدی فلک اوزره اولان انجمو گرداب.
جمعیت اسبابه کؤنول وئرمه، فضولی
کیم، تفرقه دیر خاطره جمعیت اسباب.