منیم تک

منیم تک هیچ کیم زار و پریشان اولماسین، یا رب!
اسیر درد عشق و داغ هجران اولماسین، یا رب!
دمادم جورلردیر چکدیگیم بی رحم بت لردن،
بو کافرلر اسیری بیر مسلمان اولماسین، یا رب!
گؤروب اندیشۀ قتلمدن اول ماهی، بودور ویردیم
کی، بو اندیشه دن اول مه پشیمان اولماسین، یا رب!
چیخارماق ائتسه‌لر تندن، چکیب پیکانین اول سروین
چیخان اولسون دل مجروح، پیکان اولماسین، یا رب!
جفا و جورایله معتادم، اونلارسیز ندور حالیم،
جفاسینه حد و جورینه پایان اولماسین، یا رب!
دئمن کیم، عدلی یوخ، یا ظلمی چوخ، هر حال ایله اولسا،
کؤنول مولکونه اوندان غیری سلطان اولماسین، یا رب!
فضولی بولدی گنج عافیت میخانه کنجونده،
مبارک ملک دور، اول ملک ویران اولماسین، یا رب!