کشف اسرار ملامت

صبح چکمیش چرخه، چالمیش داشه تیغین آفتاب،
ظاهر ائتمیش اول مه دلاله عین انتساب.
دمبدم تحریک تیغیندن بولور باشلار صفا،
اؤیله کیم، سو موج اوزه ظاهر قیلیر هر دم حباب.
هر سر موییمده بیر باش اولسا موی سر کیمی،
کسّه وارین، تیغ خون ریزیندن ائتمن اجتناب.
کشف اسرار ملامت جوهر تیغینده دیر
کیم، اولور باشلارداکی سئودا جمالیندان نقاب.
غصه سیندن باشیمین قیل کیمی اینجلمیش تنیم
کیم، تنیمله تیغی اورتاسیندا باشیم دیر حجاب.
تیغ چابک سیرینه آهوی چین دئرسم نولا،
سیر قیلدیقجا تؤکر صحرای چینه مشکناب.
موی ژولیدمله تیغیندن امیدیم کسمزم،
ای فضولی، خالی اولماز برق آهیم دن سحاب!