آشکار ائتمز مانا

یار جور ائتمز مانا، اغیار تعلیم ائتمه دن،
بالله، اغیار ائیله ین احسانی یار ائتمز مانا.
داغیدیر هر لحظه رخت عیشمی آهیم یئلی،
هانسی ناحق ظلم دور کیم، روزگار ائتمز مانا.
نقد جان تاراج غمدن ساخلاماق دشواردیر،
عشق تا سنگ ملامتدن حصار ائتمز مانا.
چرخ دن آشورمادان یادینله آه آتشین،
قدر ائدیب گردون شرردن زر نثار ائتمز مانا.
یاد لعلینله فضولی گؤزله‌ییب راه عدم،
وار بیر تدبیری، امّا آشکار ائتمز مانا.