جگر پاره لری

جانیمین جوهری اول لعل گوهرباره فدا،
عمرومون حاصلی اول شیوۀ رفتاره فدا.
درد چکمیش باشیم اول خال سیه قربانی،
تاب گؤرموش تنیم اول طرۀ طراره فدا.
گؤزلریمدن ساچیلان قطرۀ اشکیم گوهری
لب لریندن تؤکولن لؤلؤ شهواره فدا.
چاک سینمده اولان قانلی جگر پاره لری
مست چشمینده اولان غمزۀ خونخواره فدا.
پاره پاره دل مجروح پریشانیمدن
سر کویینده اولان هر ایته بیر پاره فدا.
جان و دل قیدینی چکمک دن اؤزوم قورتاردیم،
جانی جانانه یه وئردیم، دلی دلداره فدا.
ای فضولی، نولا گر ساخلار اسم جانی عزیز،
وقت اولا کیم، اولا اول شوخ ستمکاره فدا.