ایچ مئی ناب کی

غمدن اؤلدوم، دئمدیم حال دل زار سانا،
ای گل تازه، روا گؤرمدیم آزار سانا!
ایچ مئی ناب کی، باغریندان ائدر جمله کباب،
آتش عشق ایله عشاق جگرخوار سانا.
مئی گلگونده دئگیل نرگس مستین عکسی،
قدح اولموش، گؤز آچیب، عاشق دیدار سانا.
عارضین گل گل ائدیب دیر مئی گلگون تابی،
وه کی، بیر گل دن آچیلمیش نئچه گلزار سانا.
باغه سیر ائت بو رخ لعل ایله کیم، غنچه و گل
گؤستره خون دل و دیدۀ خونبار سانا.
دئر ایدیم قامتینه سرو، ولی اؤزگه ایمیش
حرکات و روش و شیوه و رفتار سانا.
اگیلیب طرف بناگوشینه، درد دلیمی
یا او تاغین دئیه، یا طرۀ دستار سانا.
من گرفتارینمو فتنه دن اولمان آزاد،
هیچ کیم اولماسین، ای شوخ، گرفتار سانا.
لعل نابین هوسی باغریمی قان ائیله دیگین،
آه کیم، قانلی یاشیم قیلمادی اظهار سانا.
تا گرفتارنم آزاد اولا بیلمم غمدن
هئچ کیم اولماسون ای شوخ گرفتار سنه
(دست خط ده وار، چاپی ده یوخدور)
ای فضولی، فلکین وار سنینله نظری
کیم، غم و محنتی وئردی نه کیم وار سانا.