درد، درد عشق دیر

گرچی، ای دل، یار ایچون اوز وئردی یوز محنت سانا،
ذره جه قطع محبت ائتمدین، رحمت سانا!
ساخلاما نقد غم عشقینی، ای جان، ظاهر ائت
کیم، وئریم حبس بدندن چیخماغا رخصت سانا.
چارۀ بهبودیمی سوردوم معالج دن، دئدی:
درد، درد عشق دیر، ممکن دئگیل صحت سانا.
توتارام یارین قیامتده، حبیبیم، دامه نین،
مستسن غفلت شرابیندان، بو گون مهلت سانا.
عشق اهلین آتش هجرانه ائیلرسن کباب،
دؤنه دؤنه امتحان ائتدیم، بودور عادت سانا.
اینجیدیر نالم سنی، وه نولا گر بیر تیغ ایله
چشم جلادین ائده احسان منه، منت سانا.
سنده دون گؤردوم، فضولی، میل محراب نماز،
ترک عشق ائتمکمی ایسترسن، ندیر نیت سانا؟