ای بیوفا

ای بیوفا کی، عادت اولوبدور جفا سانا،
بالله، جفا دیر، اولما، دئمک بیوفا سانا.
گه ناز و گه کرشمه و گه عیشوه دیر ایشین،
جانین سئون لر اولماسا یئنه آشنا سانا.
مین جان اولایدی کاش من دل شکسته ده
تا هر بیریله بیر گز اولایدیم فدا سانا.
عشقینده مبتلالیغمی عیب ائدن سانیر
کیم، اولماق اختیارائیله دیر مبتلا سانا.
ای دل کی، هجره دویماییب*، ایسترسن اول مهی،
شکر ائت بو حاله، یوخسا گلر بیر بلا سانا.
ای گل، غمینده اشک رخ زردیم ائتدی آل،
بیلدیردی اولا صورت حالیم صبا سانا.
دوشمز چو شاه قربی، فضولی، گدالره،
اول شه دن التفات نه نسبت مانا، سانا.
————————————————–
*دؤزمه‌ییب