وار ایمیش روز قیامت، قیلما انکار، ای حکیم!

عشقدن جانیمدا بیر پنهان مرض وار، ای حکیم!
خلقه پنهان دردیم اظهار ائتمه، زنهار، ای حکیم!
وار بیر دردیم کی، چوخ درماندان آرتیق دیر منه،
قوی منی دردیمله، درمان ائیله‌مه، وار ای حکیم!
گر باسیب ال نبضمه، تشخیص قیلسان دردیمی،
الامانت، قیلما هر بیدرده اظهار، ای حکیم!
گل منیم تدبیر بیهودمده سن بیر سعی قیل
کیم، اولام بو درده آرتیق راق گرفتار، ای حکیم!
گؤر تن عریان ایله احوالیمی هجران گونو،
وار ایمیش روز قیامت، قیلما انکار، ای حکیم!
چکمیینجه چارۀ دردیمده زحمت بیلمدین
کیم، اولور درمان درد عشق دشوار، ای حکیم!
رنج چکمه، صحت امیدین فضولی دن گؤتور
کیم، قبول صحت ائتمز بؤیله بیمار، ای حکیم!