دئمین مجنونه عاشق کیم، باشیندا قوش یوا توتموش

غمیندن باشه دون حسرت الیله اولقدر اوردوم
کی، صبح اولونجا مرده جسمیمی توپراغه تاپشوردوم.
بوکولدو قددیم، آهیم یئتدی خورشیده، ساقین، ای ماه
کی، محنت اوخونو پیکانلادیم، غم یایینی قوردوم.
دئمین مجنونه عاشق کیم، باشیندا قوش یوا توتموش،
منم عاشق کیم، سیل چشمیمی باشیمدان آشوردوم.
کلامیمدن مرتب ائیله‌دی برهان اثباتین،
نه صاحب کشف کی، درج دهانین سرّینی سوردوم.
تجرد سیرینه سایمدن اؤزگه بولمادیم همره،
طریق عشق ایچینده چوخلاریله دوردوم، اوتوردوم.
هوای عشق سرگردانی اولموش گرد بادم کیم،
ساوردوم گؤی لره توپراغمی هر یئرده کیم، دوردوم.
فضولی، عشقه مهلک دئردیم، اول مهوش اینانمازدی،
بحمدالله کی، جان وئرمک طریقیله ایناندیردوم.