سالماسایدی دل ویرانه عمارت طرحین

دهنین شوقونو جان سوز گمان ائتمز ایدیم،
یوخسا بیر دم اونی من مونس جان ائتمز ایدیم.
وصف خال لبینی بیلسه ایدیم نامقدور،
آرزوسوندا قارا باغریمی قان ائتمز ایدیم.
خوب لر عاشقه میل ائتمدیگین بیلسه ایدیم،
اؤزومو عشق ایله رسوای جهان ائتمز ایدیم.
دوشمسیدی گؤزومون یاشینه فیض نظرین،
اونو هر سروین ایاغینه روان ائتمز ائدیم.
سالماسایدی دل ویرانه عمارت طرحین،
اوندا گنج گوهر عشق نهان ائتمز ایدیم.
ستم طعنۀ اغیاره دئگیلدیم واقف،
یوقسا یارین سر کویینده مکان ائتمز ایدیم.
ائتمسیدی ستم یار، فضولی، من زار،
مونجه فریاد چکیب، آه و فغان ائتمز ایدیم.