بیر قول اوغلینی کؤنول ملکونه سلطان ائتدیم،
مصر ایدی، پادشهین یوسف کنعان ائتدیم.
دل کی، بیر دلبره سرمنزل ایدی، آهیم ایله
یئله وئردیم، آدینی تخت سلیمان ائتدیم.
عشق ترکی، دل و جاندان گؤرونوردو مشکل،
ترک عشق ایله دئدین، ترک دل و جان ائتدیم.
جان غمین چکمیش ایدی، وار ایدی بوینومدا حقی
بو اونون اجری ایدی کیم، سنه قربان ائتدیم.
ره عشقین توتوب، ائتدیم غم و دردیم دفعین،
گؤره نه جمعی بو طریق ایله پریشان ائتدیم.
سنه تاپشیردیغم اوخلارینی یاقدین، ای دل،
ضایع ائتدین نه قدر کیم، سنه، احسان ائتدیم.
سبزه تک قیلدی فضولی، چیخاریب اشک عیان،
تن غبارینده اوخون هر نئجه پنهان ائتدیم