وطنیم دیر، وطنیم دیر، وطنیم دیر، وطنیم

پنبۀ داغ جنون ایچره نهان دیر بدنیم،
دیری اولدیقجا لباسیم بودور، اؤلسم کفنیم.
جانی جانان دلمیش، وئرممک اولماز، ای دل!
نه نزاع ایلیلیم، اول نه سنین دیر، نه منیم.
داش دله آهیم اوخو شهد لبین شوقیندن،
نولا زنبور ائوینه بنزه سه بیت الحزنیم.
طوق زنجیر جنون دایرۀ دولت دیر،
نه روا کیم، منی اوندان چیخارا ضعف تنیم.
عشق سرگشته سییم، سیل سرشک ایچره یئریم،
بیر حبابم کی، هوادن دولودور پیرهنیم.
بلبل غمزه ده یم، باغ و بهاریم سن سن،
دهن و قد و رخون غنچه و سرو سمنیم.
ائدمن ترک، فضولی، سر کویین یارین،
وطنیم دیر، وطنیم دیر، وطنیم دیر، وطنیم.*
—————————————————
*بعضی نسخه لرده مصراع بئله قید اولموشدور:
نئجه کیم ظلم یئرینه منه خوشدور وطنیم