بو تمناده کیم، اول شمع ایله هم صحبت اولام

فاش قیلدین غمیم، ای دیدۀ خونبار، منیم!
ائیله دین مردمه نم اولدیغون اظهار منیم.
دهنین ایسترم، ای عشق، یوخ ائت وارلیغم
کی، یوخ اولماقدا بو گون بیر غرضیم وار منیم.
چیخمیش اغیارایله سیر ائتمه یه اول مردم چشم،
بو عجب، درمی کی چیخمیش گؤزوم آغلار منیم.
موج ایله کؤنلومی، ای اشک، قوپار یانیمدان،
ناله ایله باشیم آغریتدی بو بیمار منیم.
بو تمناده کیم، اول شمع ایله هم صحبت اولام،
دود آه ائتدی دونوم تک گونومو تار منیم.
چیخمیش اول شوخ بو گون تؤکمه یه قانین گؤره نین،
گیرمه ای گؤز، کرم ائت، قانیما، زنهار منیم.
ای فضولی، در و دیواره غمیم یازماقدان
شاهد حال دلیم دیر در و دیوار منیم.