صدفده گوهر اولان قطرۀ بارانه بنزتدیم

تنیمده زخم تیغین چشم خون افشانه بنزتدیم،
اوخون کیم، صف صف اطرافیندا دیر، مژگانه بنزتدیم.
بقای روحیمی بیلدیم زلال لعل نابیندن،
حیاتیم دیر دئدیم، باغریما باسدیم، قانه بنزتدیم.
سؤکولموش کؤکسومو کیم، دولودور غمزن خیالیله،
حرامی لر یاتاغی منزل ویرانه بنزتدیم.
تنیمدن اینجینیب چیخمیش روان جان کیمی پیکانین،
نئچوک اینجینمه سین، یئتدیکده ذوقون، جانه بنزتدیم.
گؤزومده بسلنیب، قیمت بولان پیکانینی گؤردوم،
صدفده گوهر اولان قطرۀ بارانه بنزتدیم.
فضولی، اؤلدورر هر دم منی اهل نظر طعنی
کی، نئیچون یار لعلین چشمۀ حیوانه بنزتدیم.