منه مانند بیر دیوانه صورت باغلاماز

دئگیلسن چوخ دان، ای گردون، جهان سیرینده یولداشیم،
نولا خم اولدیغم، سندن چوخ آرتیق دیر منیم یاشیم.
ترازوی عیار محنتم بازار عشق ایچره،
گؤزوم هر دم دولوب، مین داشه هر ساعت دگر باشیم.
سرشکیم آل و باغریم پاره، بیر کوه بلایم کیم،
همیشه لاله و لعل ایله رنگین دیر ایچیم، داشیم.
منه مانند بیر دیوانه صورت باغلاماز، گویا
قلم سیندیردی، تصویریم چکندن سونرا نقاشیم.
فضولی، خازن گنج وفایم، اول سببدن دیر،
گوهرلر تؤکدو اسراف ایله بو چشم گوهرپاشیم.