ای قیلان اظهار ذلت، مژدۀ عزت سنه

رهرو عرفانه بسدیر ساغر و ساقی دلیل
کیم، مه وخورشیددن بولموش تمناسین خلیل.
اولسا استعداد عارف قابل ادراک وحی،
امر حق ارسالینا هر ذره دیر بیر جبرئیل.
هر کیمین تقدیردن مقصودی اؤز قدرینجه دیر،
اهل عشق ایستر زلال وصل و زاهد سلسبیل.
جنّته زاهد بیلیر جان وئرمه دن یئتمز، ولی،
جانه قیماز، اؤز تمناسیندا دیر مسکین بخیل.
ای قیلان اظهار ذلت، مژدۀ عزت سنه
کیم، بو درگهده مقرردیر عزیز اولماق ذلیل.
وعدۀ وصلین منی سالمیش خیال زلفونه
کیم، دیلر طول عمل سرمایۀ امر طویل.
ای فضولی، خوب لر ذکر جمالیله خوشام،
شکر کیم، کسب ائتمیشم عالمده بیر ذکر جمیل