منو
جسمدن آگاه اولان جان واصل جانان دئگیل
عشق دردی، ای معالج، قابل درمان دئگیل!
جوهریندن ایلمک جسمی جدا آسان دئگیل!
دور جوروندن شکایت ائدنه عاشق دئمن،
عشق مستی واقف کیفیت دوران دئگو!
شهردن صحرایه بیر فرق اولدیغون هر کیم بیلیر،
بیلمیش اول کیم، عشق صحراسیندا سرگردان دئگیل.
هر کیم ادراک ائیلر اؤز کیفیت حالین، هنوز
دوست رخسارینه عین شوق ایله حیران دئگیل.
جانی جانان اتحادی فارغ ائیلر جسمدن،
جسمدن آگاه اولان جان واصل جانان دئگیل.
دئر ایمیش دشمن کی، همدم دیر فضولی یارایله،
هر سؤزو بهتان ایسه، حقا بو سؤز بهتان دئگیل.