آتش دل اؤیله سوزان دیر کی، باخماز هیچ کیم

جانه باسدیم غنچه وش پیکانینی، ای تازه گل،
دؤزمک ایچون هجرینه یایدیم دمردم بیر کؤنول.
وه نه ساحرسن کی، اوددان سو چیخاردین، سودان اود،
ترلدیب رخسارینی گل گل قیلاندا تاب مل.
یاندیریب اجزای ترکیبیم، گلوم وئره سن یئله،
یوخ یولوندان دؤنمگیم، واریم سنین دیر جزو کلّ.
مردم چشمیم ییغار ناوک لرین ممکن سانیر
اول آغاجلار بیرله یاتماق اشک دریاسینه پل.
ای کؤنول، لوح امل نقش بقادن ساده دیر،
فانی ائتمه عمرون اول سئوداده کیم، باقی دئگل.
صورت آرا اولما، تحصیل کمال معنی ائت
کیم، بهاییم نوعن ائتمز آدمی زربفت حُل.
نولا دئسم قدرایله افزون مسیحادن سنی،
یئر و گؤی میزان اولوب فرق اولموش آغردان یونول.
آتش دل اؤیله سوزان دیر کی، باخماز هیچ کیم،
رحم ائدیب ناوک لریندن اؤزگه زخمیم اوزره کول.
حاصلین اول غم جاناندی آخر ترک جان،
بو ایمیش قسمت، فضولی، خواه عقله، خواه گل.