عذاب دوزخه اول وجه دن اولور قابل

اوزونو گوزگویه غیبتده اوخشادان غافل،
دوخسانا یوز یوزه اولمازمی آرا یئرده خجل.
بوراق نقاب کی، بیلسین کمال حسن گؤروب،
فرشته خلقت آدمده شبهه سین باطل.
حدیث وحی وشین ضایع ائتمه اغیاره،
روامیدیر، ائده سن قدرین اونون نازل.
حریم کویینی گؤستر نمونه، ایله ثواب
کیم، اولا جنّت ایچون خلق طاعته مایل.
سنی قویوب، بوته ائیلر عبادتین کافر،
عذاب دوزخه اول وجه دن اولور قابل.
حکیمه نفی قیامت خطاسینی بیل دیر،
قیام گؤستر اونا، اعتقادین ائت زایل.
غرض فضولییه آنجاق الینده اؤلمک دیر،
ولی محال دیر اول هم، سن اولاجاق قاتل.