سر کویینده کؤنلوم

ساچین اندیشه سی تحریک زنجیر جنونوم دور.
جنونوم دفعینه ذکر لب لعلین فسونوم دور.
دیار درد سرگردانییم، هر کیم منی ایستر،
دلیل راه قطره قطره اشک لاله گونوم دور.
فلکده برق آهیمدن سراسر یاندی کوکب لر،
قالان اودلارا یانمیش کوکب بخت زبونوم دور.
گلن ناوک لرین بیر بیر یاقیب قویماز بولام ذوقین،
منی حرمان اودونا یاندیران سوز درونوم دور.
سر کویینده کؤنلوم برق آهی سانما بیهوده،
قارانغو گئجه عزم کویین ائتسم، رهنمونوم دور.
لبی شیرین لرین ذوقیله فرهادی منم عصرین،
یانیمدا جمع اولان سنگ ملامت بیستونوم دور.
فضولی، خالی اولماق جام عیشیم صاف صهبادن،
نشان بخت نافرجام و اقبال نگونوم دور.