قطع الفت

بزم عشق ایچره سرشکیم دیر شراب لاله گون،
قیلدی خم قدّیم بوکوب، جام شرابیم سرنگون.
هر طرف پرخون الف لردیر چکیلمیش کؤکسومه،
یا هوادن موج ائدیر باغریم داکی دریای خون.
آرتیریر ایام هجرانین سرشکیم حددتین،
مدت ایام مئی کیفیتین ائیلر فزون.
مسکن ائتمیش مار تار زلفی چشمیم رخنه سین،
پند وئرمین کیم، اونی اوندان چیخارماز مین فسون.
قطع الفت، غالباً، دشواردیر کیم، ایلمیش
نقش شیرین ایله فرهادی مقید بیستون.
رشتۀ جان ائیله‌دیم پیوند تار زلفینه،
آه کیم، چکمکده امداد ائیله مز بخت زبون.
ای فضولی، من ملامت گوهری نین گنجییم،
اژدها دیر کیم، یاتیر چئورمده زنجیر جنون.