عالمی غوغایه سالمیش

یئره دوشمز هر نه اوخ کیم، آتسا اول ابروکمان،
گون شعاعیله اونون چوخ فرقی وار، ای آسمان!
عشق ناموسی من و مجنونه دوشموش لاجرم،
غم یوکون چکمکده اوزین بیر زمان، اول بیر زمان.
یوخ ره عشقینده بیر منزل یاشیم گردابینه،
یول ایتیرمیش دیر، ایشی سرگشته گزمک دیر همان.
کام ممکن دور اوزون عمرایله زلفوندن، ولی
بولماق اولماز دور رخساریندا خطیندن امان.
هیچ کیم سرّ دهانین بیلمز اول عیسی لبین،
عالمی غوغایه سالمیش دیر مجرد بو گمان.
شمع رخسارین نهان توت چشمۀ خورشیددن،
نور چشمیم، احتزاز ائمز یامان گؤزدن، یمان.
ای فضولی، چکمه سن، راه توکل دن قدم،
منزل مقصوده یئتمک دیر مقرر، من ضمان*.
*زامین