بیلیرسن قانه قان دیر

گؤروب مهلک منیم چئورمده بحر عشق طغیانین،
قاچیب بیر داغه چیخدی کوهکن، قورتارماغا جانین.
بوراخمیش ایتلرینه پاره پاره کؤنلومی اول مه،
اولشدیرمیش، کسیب ارباب استحقاقه قربانین.
منیم چاک گریبانیم گؤروب عیب ائیله مز اول کیم،
گؤرر سرمست چیخدیقدا اونون چاک گریبانین.
کؤنول غم همدمیدیر، قانین، ای گؤز مردمی، ایچمه،
بیلیرسن قانه قان دیر، غم سنه قویماز اونون قانین.
گؤزون کیم، گوشۀ محراب توتموش دین قیلیر یغما،
بو ملکون ائتمک اولماز فرق کافردن مسلمانین.
گؤزون مردم لری چوخ دان قیلیرلار دعوی عشقین،
نه حاجت یاشلارین سورماق، آنا وار نوح طوفانین.
فضولی، چکمه یارین اوخلارین هر لحظه یانیندن،
سنه می قالدی چکمک هر زامان بیر یار هجرانین؟