بیلیردیم سنده هم وار

شفا لطف ائت من بیماره لعل نوشخندیندن،
ایکن هم اولما، ای بیدرد، غافل دردمندیندن.
سمندین قتلیمه سگریتدین، امّا قورخوم اوندان دیر
کی، سبقت ائده ناگه توسن عمروم سمندیندن.
مراد خاطرین گر مشکل اولماق دیر ایشیم، اولسون،
نه چاره، کئچمک اولماز خاطر مشکل پسندیندن.
بیلیردیم سنده هم وار اول هوا کیم، منده دور، ای نئی،
دم اوردوقجا اگر چیخسایدی آتش بند بندیندن.
حریص ائیلر منی پندین مزاق عشقه، ای ناصح!
دریغ ائتمه کی، محظوظم سنین پیوسته پندیندن.
کمند دود آهین دیر، فضولی، چرخ بوینوندا،
عجب صیادسن کیم، چرخ قورتولماز کمندیندن.