چیخار آهیم گؤگه

اله آلیر گزجک اول گل رعنا اتگین،
وهم ائدر کیم، توتا بیر عاشق شیدا اتگین.
بیلدی کیم، خاک ره اولدیی اتگین توتماق ایچون،
گؤتور، دوشمه یه قویماز یئره اصلاً اتگین.
دادلر قیلماغا اول کافر الیندن، گئجه لر
چیخار آهیم گؤگه تا توته مسیحا اتگین.
شام لر قانلو یاشیم موجینه، البته، دگر،
هر نئجه کیم، گؤتورور چرخ معلا اتگین.
اؤیله عریان گرک آوارۀ صحرای جنون
کی، تعلق تیکنی توتمایا اصلا اتگین.
رند خاک اولسا دخی، درد خم باده اولور،
نه ایسه، قویماز الیندن مئی صهبا اتگین.
گل لر آچیلدی، فضولی، یاخالار چاک ائدیبن،
گل توتالیم مئی و محبوب ایله صحرا اتگین.