موج اشک چشم مجنون دور توتان صحرا اوزون

گؤرمه سم هر گؤز آچاندا اول گل رعنا اوزون،
گؤز یومونجا اشک گلگونیم توتار دنیا اوزون.
گرچی کافرسن سنه، ای بت، یئتر بو اجر کیم،
رغبتین دؤندردی بتخانه دن یوز ترسا نورون.
پردۀ چشمیمده نقش جوهر تیغین سنین،
مونجه بنزر کیم، توتار تحریک ایله دریا اوزون.
اولما، ای صحرانشین غافل، دئگیل هر سو سراب،
موج اشک چشم مجنون دور توتان صحرا اوزون.
یاد رخساریله اول ماهین گؤزه قان یاش تؤکر،
هر گؤرن ساعتده خورشید جهان آرا اوزون.
ناز ائدیب دؤندرمه، ای بیدرد، اوز عشاق دن،
مونجه هم گؤسترمه فقر اهلینه استغنا اوزون.
ای فضولی، دود آهیم تیره ائیلر عالمی،
گؤرمه سم بیر لحظه اول ماه ملک سیما اوزون.