صبح وش چاک ائت، فضولی، پیرهن عشق ایچره کیم

صنع معماری یاپار ساعتده گردون مخزنین،
دود آهیم چیخماغا آچمیش کواکیب روزنین.
گون باتیب اولدیز چیخار سانمین کی، گؤی دهقانی نین،
گئجه آهیم داغیدار گوندوز ییغیلمیش خرمنین.
گؤز تؤکر اسراف ایله خونابه لعلین گوییا
کیم، جگر داغینده اول لعلین بولوبدور معدنین.
دؤزمک اولماز تیغ بیدادینه شیرین لب لرین،
گر فلک فرهاد وش داش ائتسه عشاقین تنین.
صبح وش چاک ائت، فضولی، پیرهن عشق ایچره کیم،
بیلمه یه کیمسه گریبانیندان اونون دامنین.