توتدوقجا سنی خواب اجل

حلقه آغیزین سرّینی هر دم قیلیر اظهار سؤز،
بو نه سیردیر کیم، اولور هر لحظه یوخ دان وار سؤز.
وئر سؤزه احیا کی، توتدوقجا سنی خواب اجل،
ائده هر ساعت سنی اول خوابدان بیدار سؤز.
بیر نگار عنبرین خط دیر کؤنول لر آلماغا،
گؤستر هر دم نقاب غیبدن رخسار سؤز.
اولمایان غواص بحر معرفت عارف دئگیل
کیم، صدف ترکیب تن دیر، لؤلؤ شهوار سؤز.
خازن گنجینۀ اسراردیر، هر گون چکر
رشتۀ اظهاره مین مین گوهر اسرار سؤز.
آرتیران سؤز قدرینی صدقیله قدرین آرتیرار،
کیم نه مقدار اولسا، اهلین ائیلر اول مقدار سؤز.
گرچی ایسترسن، فضولی، عزتین، آز ائت سؤزو
کیم، چوخ اولماقدان قیلیب دیر چوخ عزیزی خار سؤز.