گل خندانه سوردوم

۱۱۵مانا باد صبا اول سرو گلرخ دن خبر وئرمز،
آچیلماز غنچۀ بختیم، امیدیم نخلی بر وئرمز.
تؤکوب گؤز یاشینی سنسیز هلاکیم ایسترم، امّا
اجل پیکینه سیل اشک گردابی گذر وئرمز.
گؤزومده مسکن ائت، خار مژمدن احتزاز ائتمه،
گل خندانه سوردوم، خاره یار اولماق ضرر وئرمز.
اگر جان آلماق ایسترسن، تنیمدن اوخونو کسمه
کی، پژمرده نهاله وئرمیینجه سو ثمر وئرمز.
قیاس ائت شمع دن، وهم ایله چرخین انقلابیندان
کیم، اول باش آلماغا قصد ائتمیینجه تاج زر وئرمز.
بلا ضمنینده راحت اولدیغون اظهار ائدر خلقه
فلک، بیهوده خار خشک دن گلبرگ تر وئرمز.
فضولی، دهردن کام آلماق اولماز اولمادان گریان،
صدف سو آلمایینجا ابر نیساندان گهر وئرمز.