عشقدن وهم ائتمه سین عاشق

تشنۀ جام وصالین آب حیوان ایستمز،
مایل مور خطین ملک سلیمان ایستمز.
ظلمت زلفون گرفتاری دم اورماز نوردن،
طالب شمع رخون خورشید تابان ایستمز.
جوردن آه ائتمه، ای عاشق کی، عین لطف دور،
دوست اسباب تجمل حسنه نقصان ایستمز.
ائیله مز میلی بهشت افتادۀ خاک درین،
ساکن کنج غمین سیر گلستان ایستمز.
عاشق ایسن رند و رسوالیقدان اکراه ائتمه کیم،
عشق سرّین اقتضای دور پنهان ایستمز.
عشقدن وهم ائتمه سین عاشق، ییخار کؤنلوم دئییب،
هیچ سلطان دئین ملکونو ویران ایستمز.
ای فضولی، متصل، دوران مخالف دیر مانا،
غالباً، ارباب استعدادی دوران ایستمز.