ملک عشق ایچره

نئچه ایللردیر سر کوی ملامت بکلریز،
لشکر سلطان عرفانیز، ولایت بکلریز.
ساکن خاک در مئیخانه ییز شام و سحر،
ارتفاع قدر ایچون باب سعادت بکلریز.
جیفۀ دنیا دئگیل کرکس کیمی مطلوبوموز،
بیر بؤلوک عنقالریز، قاف قناعت بکلریز.
خواب گؤرمز چشمیمیز اندیشۀ اغیاردن،
پاسبانوز، گنج اسرار محبت بکلریز.
صورت دیوار ائدیب دیر حیرت عشقین بیزی،
غیر سیر باغ ائدر بیز کنج محنت بکلریز.
کاروان راه تجریدیز خطر خوفین چکیب،
گاه مجنون، گاه من دور ایچره نوبت بکلریز.
سانمانیز کیم، گئجه‌لر بیهوده دیر فریادیمیز،
ملک عشق ایچره حصار استقامت بکلریز.
یاتدی لار فرهاد و مجنون مست جام عشق اولوب،
ای فضولی، بیز اولار یاتدیقجا صحبت بکلریز.