دعالار ائیلرم

کؤنولده مین غمیم واردیر کی، پنهان ائیله مک اولماز،
بو هم بیر غم کی، ائل طعنیندن افغان ائیله مک اولماز.
نه مشکل درد اولورسا بولونور عالمده درمانی،
نه مشکل درد ایمیش عشقین کی، درمان ائیله مک اولماز.
فنا ملکونه چوخ عزم ائتمه، ای دل، چکمه زحمت کیم،
بو تدبیرایله دفع درد هجران ائیله مک اولماز.
دهانین اوزره لعلین ایستمیش دل، دفعی مشکل دور،
گؤرونمز هیچ جورمو، یوخ یئره قان ائیله مک اولماز.
دعالار ائیلرم، مندن یانا بیر دم گذار ائتمز،
نه چاره، سحریله سروی خرامان ائیله مک اولماز.
ساقین، کؤنلوم ییخارسان، پنددن دم اورما، ای ناصح،
هوای نفس ایله بیر ملک و ویران ائیله مک اولماز!
فضولی، عالم قید ایچره سن، دم اورما عشقیندن،
کمال جهل ایله دعوای عرفان ائیله مک اولماز