بو حیران اولدیغوندان دیر کی

فغان کیم، باغریمین اول لاله رخ قان اولدیغون بیلمز،
جگر پرکاله سینده داغ پنهان اولدیغون بیلمز.
حبیبیم کؤنلومی جمع ائیله مز رخساری دورونده،
مگر زلفو کیمی حالیم پریشان اولدیغون بیلمز؟
قیلیر تقصیر ائدیب بیر لطف هردم کؤنلوم آلماقدان،
وفا رسمین صانیر دشوار، آسان اولدیغون بیلمز.
گؤزل لر دولت وصلین بولوب، مغرور اولان عاشق
نشاط وصلدن اندوه هجران اولدیغون بیلمز.
دل صد پاره دن بیداد کسمز غمزۀ مستین،
نه غافل پادشه دیر، ملک ویران اولدیغون بیلمز.
صانیر زاهد اؤزون خالی خیالیندان، غلط دیر بو،
بو حیران اولدیغوندان دیر کی، حیران اولدیغون بیلمز.
فضولی خسته یه دشمن سؤزیله دوست جور ائیلر،
زهی ساده، معارض قولی بهتان اولدیغون بیلمز