رندلر بزمین گزیب

راز عشقین ساخلارام ائلدن نهان، ای سرو ناز،
گئتسه باشیم شمع تک، ممکن دئگیل افشای راز.
خوب لر محراب ابروسینه میل ائتمز فقیه
اؤلسه کافردیر، مسلمانلار، اونا قیلمین نماز.
کیمسه اول بدخویه اظهار ائده بیلمز حالیمی،
ای سرود ناله، تانریچون، سن اولگیل چاره ساز.
قالیبیم گؤرموش تهی، تؤکمک دیلر بیر تازه روح،
برق آهیم کیم، گلن پیکانینا وئرمیش گداز.
خوب صورت لردن، ای ناصح، منی منع ائتمه کیم،
پرتو انوار خورشید حقیقت دیر مجاز.
من خود اؤلدوم، ای ترابیمدان اولان ساغر، مدام
رندلر بزمین گزیب، بیر بیر یئتیر مندن نیاز.
ای فضولی، قالمیشام حیرتده، بیلمم نئیلییم،
دور ظالم، بخت نافرجام، طلب چوخ، عمر آز.