بیر پریوش کیم

غمزه پیکانین گؤزون من مبتلادن ساخلاماز،
صرف ائدر اهل نظر، نقدین گدادن ساخلاماز.
دل ندیر یانیمدا، چون قیلماز منی غمدن خلاص،
چکمن اول تعویذ بارین کیم، بلادن ساخلاماز.
جانه جسمیم اول خدنگ غمزه دن اولماز پناه،
هیچ جوشن کیمسنی تیر قضادن ساخلاماز.
عشقدن بیر دم تن سوزانی دور ائتمز فلک،
وه نئجه فانوس دور، شمعی هوادن ساخلاماز.
عالمی شیدا قیلیر، گر اولسا گؤزدن هم نهان،
بیر پریوش کیم، سر زلفون صبادن ساخلاماز.
ائیلرم بیخود فغان، گؤردوکجه کویین ایتلرین،
آشنا راز نهانین آشنادن ساخلاماز.
بی سبب صانمین فضولی نین ملامت چکدیگین،
بی خبردیر، مشربین اهل ریادن ساخلاماز.