ایله عشاقه جفالر کی

لحظه لحظه لبین آنیب ائدی جک افغانلار،
قطره قطره ساچیلیر دیده لریمدن قانلار.
قطره قطره دئمه قان دیر کی، چیخار چشمیمدن
دمبدم کؤنلوم اودیله اریین پیکانلار.
قاشلارین یآینه میل ایله یه لی جان و کؤنول،
دون و گون من بیلیرم کیم، نه چکیرلر آنلار.
آچما کاکیل گرهین، باشین ایچون گؤرمه روا
کی، پریشان اولالار، بیر نئچه سرگردانلار.
یئل دگر زلفونه، یا قویماییب اؤز حالی ایله،
گزدیرلر اونی الدن اله هر دم جانلار.
ایله عشاقه جفالر کی، وفالر گؤره سن،
سانما کیم، ضایع اولور ائیله دیگین احسانلار.
دئمه زهاده، فضولی، ره و رسمین عشقین،
نه بیلیرلر روش اهل خرد نادانلار!